معاً من آجل حرية التعبير وخلق الإرادة الجماهيرية المبدعة

السبت، 9 نوفمبر 2013

حينما يكون الابداع معضلة في عين شخص أخر

نداء

نداء
ــــــــــــــ

خليني صاحي في عيونكِ
يا قلب فيك راجي
همسة الحب والتلاقي
برضي واقف لشروقكِ
يا فجر صحى الصحاري
ضى عصب الكهارب
شوق زول في دنياه راحل
يا شمس فيني باقية
كان الزمن مشى غادك
لسه راحل في سنينكِ
زي غرس يدوب بادي
في كل لحظة شاردة منك
في كل حته فيني بنمو
زي النيل كمان بمشي
وكت يجري بين الشجر يضحك
تطلع الضحكات عنيده
تبق في قنديل الاماسي
برضي حارسك يا فجر كل الأماني
راجي عيونك تلاقي عيوني
يتكئ كتفك معايه
بين حواف إضنيك بدفقك ليك كلامي
يا .. فجر ناطي السحابه
مضوي لناس الغلابه
في ثناءك بحكي شوقي المعاية
تحلف الأماني بتشهد معايا
يا فرحة
لمست كل البيوت
القصائد المعايا
أحتضن سمائي حنينك
النجوم سافرت سعيده
ماده خاطرك في سؤالي
ساكبه ليك خاطري المعايا
الفرح بالمراكب بمشي
يحصد النيل
يزرع من تأني الأماني
شوقي زي ماهو
لا تغير رسمه لا كملت سنينه
في ضفافك مزروع بحنيني
ضحكة المدن المعانا
أنتِ يا زاد الخريف
البحر الما ليه رصيف
كل الناس عندك تقيف
يشاوره ليك بالمزيد
الأرض تلبس وشاحه
تمرق فيك نشيد
يا أمنينا القبيل
البحر ما بقدر يشيل
كل شوقي و سؤالكِ
يعجز يفسر كلامك
الطالع من شفتين .. ودعه
لما يجيني سؤالك
بتصحي كل الكهارب
بين عينيك وبسمه
عينك ما فيها دمعه
مستفه السحاب بياضا
الليل خاتي فيها لونو
الشعر اسود طويل
النيل بموج ضفيرته
كيفن الأرض ما تبكي دمعه
أنتِ مينو البطولك من خلايقه
الدهب خجل من وصف لونك
السماء فرد غيمه في مشيكِ
أنت ِ يا لون التواصل
الفرح منك ما بزازي
كل الخلوق تمنى وليك تعاين
يحفظك المولى
خير المطر يسقي مساماتك وتنبل
يغشانا السلام محنه
كل العصافير تفرد جناحه لصغيره
عشيشه يبقى ألفة
كل المدائن من عيون
لما تغشاني وتسلام
افتحي عينك لي شوفي
تلقيني لسه راجيك واقف
لا الزمن بمشي مني .. يعاند
لا قلبي من حبك فاضي
ولسه أنا باقي في انتظاري
يا .. مدائن بالحب لكِ بعاين
قلبي ما سلك سكه تأني
برضي لسه في رجاءكِ
بتاوق في الشارع وبعاين
أشوفك من غادي
زي برق السحابة الجاي ضاوي
لما شافك رجع خجلان يناظر ويعاين
كل الشموس منك اخدت
شالت كفايته تضحك بتواصل
ولسه برضك تشاوري علي
وتمليني سلام
مستف منك
بتفاصيل الناس الزمان

الجمعة 08 نوفمبر 2013

الجمعة، 8 نوفمبر 2013

يستمر السقوط .. وليد جوبا . شريف الفحيل يرفعون معنويات المغتصبين

http://www.youtube.com/v/4hlZ9W3HkYs?version=3&autohide=1&showinfo=1&autohide=1&feature=share&autoplay=1&attribution_tag=iIWmAhDrbtC01rFQj4nATQ

الأربعاء، 6 نوفمبر 2013

توقع

توقع

ـــــــــــــــــ

أتوقعته وأنفتح فني كلام

أدفقت عيوني بدهشة

يا عيوني مافي إلا انا وعيونا

لسع أنا لامس شوفتا وسكونا

وقلبي لسع ساكي سكتا واكوس

في فنونا

انا الساكن حداك

وبيناتنا بعاد

بسرعة الملقوف خلصت فرضي

جيت مباري قربك أشواق

طلعت من حنين ذاتي

ختيت عيونك سؤال

جريت سكيت منك جواب

طلع ضوء من عيونك

ببسمة وغمزه مده لي كفني

الساعة ديك

اتلهلب في أحشائي

جمر البعاد وهواء وصلكِ يهب

أيامك نفخنو زادنو اشتعال

في لحظة

قالت لي شمس طالعه من بدنك

بالحب بشوي بكوي بدنك

شن بتقول لريح الحب وكفنك

نطه قلبي وقال

قسماً بالذي لا يقسم بسواه
بالحب الذي رطن

تمحور بالاشياء

وليس سواه
عشناها ورعيناها نبتاً

مددناه دفء من نخيل حلفا

حتى ماء النيل بنمولي

سقيناك وصلاً شوقاً بهتف
و شرياني يضج وجده نبض

مازال يا أنتِ يبكي

أتلفتي علي

بسمتك ضوت قلبي

بفرح بنيت حطه

طوبه طوبه مونه حاره
عراميس اللغه ما فاضية
قدح فوق قدح صافيه
متروسه تب

ولف وحنان

عيونك الضاحكة

تقول شاشاي

الناس ألمت معاي

يا ظبية الوادي

من كل فريق بغادي

من كل حته فينا

بتنادي عرب ونوبه

شاتلين الفرح جاين في إنتظارك

انا الزارع ورد اعتذاري
برضي في انتظرناك

06 نوفمبر 2013

الثلاثاء، 5 نوفمبر 2013

يا واقفة

يا واقفة

صيحت عليك

هوووووي .. يا.....

ياواقفه في صمت الليل

جرف في جوف النيل عطشان

فارقت خطأك دربي مشيت في دربك سؤال

بكت بيوتنا معاي

لقيتك والزمان معاك

أشرت ليك كان تعرفي

ما رجعتي

غابت ملامحي المعاك

ردد الصدى ضحكاتك ياسمره

فاتح النيل لونك قمحه

سألت عليك بيت ** بيت

شجر الغابة ورق الشجر المالي الطرقات

حديث الساقية الرويان من خشم النيل

اتمدد سهاد

جبت الحراس آم شريط زين

كمين زول احتارو معاي

حتى ألقمره الكابه نورا فتشت

مسامات الليل

شعاع تائه ظمآن

ليل السائل وحشة خاطر

عيون الناس تنادي بكلمات

صَبِحَ صبحك صَبحَ ليلي سؤال

نبحت كلاب الحي فزع من قلبي سؤال

ناديت عليك دغش الرحمن

نادت علي عيون أطفال فتشت في خناق المويه مع التربال

في القلب النازف مع الوديان

الناس الكانو معاك

كانو معاي ما كانو معاك

احمد راشد

راشد قاسم

احمد جابر

ود العربي والصائم

ود الحاج كمان

في الزمن الفات

أولاد الحي كتبوا جواب علي ورق الشجر اليابس في الطرقات

أدوه ضفاف النيل

عرق المارة المر

حتى تُرب المِيتين

ما كفاها سؤال ***

يالليل ** * يالليل

عرق السواقي بصب

طيور الوادي تهج

شجر النيل بحت وريقاتو

تيه العيون بعم

كف العباد تنخت

تميس فوق جرح البلد

يا * * بلد ** يا بلد

دغشك هبت نسايمه فرهد صباح

معوذتين وإخلاص

صليتك

حاضر

صليت عشان اشوفك

يا واضحة

وكت تطلعي

تقصر هامات الشجر ويطول العباد

تلبس القمره خجلا

ترقص الأرض كمبلا

ظبية الوادي بهناك

مزاميرك غنى

ويرمى الأبنوس قوامه معاك

صليت اكتر من صليت

ما خايف سرقة الوضوء

سرقت كحل العين

ندهت

إتفجت عروقي عليك

ياااااااااااا

واقفة هووووي

هتف معاى في جواي شارع

ممدود من شريان لشريان

فاتح مدائن عشقي فرح

يطالعه

من حرف الكتابة

من وجع ناس الهناك

من جرف بحكي الحكاية

طالعة من أعماق كلمه

بتدفق ** تملي حجر الدراسة

تمنى عيون اطفأل ترسم حرف البداية

تتأتي ** وتاتي ذي النبع حلوه وجساره

لما يسقي الارض بشويش بشويش

ضحك ** عيون النيل

بتطلعي ** أنتى ذاتك

شمسك ضوايه

رجيتك والزمان واقف يسمره

يبعثر رزاز مطر ويشتر خريف برجليه

في غناوي النيل القبيل

طلع برقك رسم

رتب حواسي لمس عصب غيمتك **

حنين شاديهو سؤال مكتفه الاطمئنان

وأدفق رغم الحاصل كمان ** وكمان

لزمن غصونه مليانه تتوجع حلم السنين الفات

تونس أطفال الزمن شليل ما جاء لسه ما جاء

ختيتك أمل ** أم كل القرى

الواقفه قاعده راميه الامل قيف

خاته النيل وعد

شفتك

نائمة في جوف الليل حق ماكضب

شوفتك شمس طالعة دغشين

تغني

كلمات الغبش روحم محزومه صبر

وحاضنه الارض ** متوسده ضيق

عاود

صداها سنين وسنين

يا عرق الزول النزال

راجع لحوش الطين

لما الأرض تصبح وعد

أو في عيونا يطير

الامل مفرهد

بشمر النيل سواعدم

يشاوروا ليك يا واقفة

بيني وبين الارض

جرح السحابه

عشم

ريح الصندل

ريح الصندل

ــــــــــــــــــــــ

كان هبش

نضم

مسّك فيك عرق الحقيقة

كان لمح

أبصر

فتح كل دروبنا القصية

مَسك وجد

كان مثله أتلفته

ما تغطي بالك

كان ما كان

عطر الصندل أدفق

سرح فيك مراح الكذب الأول

ما كان ناح فيك صُبح

ما طق من فزعتك عرق

ما كان أترسم خاطرك وإنجرح

قمراً شاقي سماءك بكاء

كان عَزَه المكان

ما سافر صغير الطير فجر

كان ما عشش في دنياك خداع ما صدق

كان وقفت عيونه من البكاء

لا من النيل شرب ارتوى

زي ما طار وقع

شاف الدنيا طشاش مربعه رهاب

حضناها ابر الفشل

أنت واقف براك

الدنيا عدمانه الحيلة

ناقصة غطى

عينك تشوف

شمساً مخنقه فوق السماء

مادي شجر اليباس

ً فارد فروعه لروعة ما محال

ضله تاشيهو الرقراق صبر

مزوزي

كلامه كُتر

عشمان في مدنا المنسية

جية الصافير

ونسة عشه صباحية

لا تطولك شمس الهجير

لا يمدد السراب رجليه

لا يملاك فقر

لا يطويك هم يبعثرك

في دنيا الخراب

وأمطارك تصبح موسمية

الدنيا تضيق

كل ما الضيق تخنق فقر

فجاءه

وجو في عين الليل إنبهل

المطر وفوق ليهو مطر

أنت هناك زي الواسوق

تزرع في النيل تحصد ثمر

نشاور عليك من بعيد

كيفنك يا زول

وينك يا زول

هوووي يا صبر

كل واحد فينا يتلقفك

كل وحد فينا بدركك

خبراك دروب النيل

سمح واسع نضم

عارفاك

أفراح بيوت الطين

الحيطة لما تكون جالوص

تشقق رب تقع

هيلا هوب يبق نفير البلد

المطر البسوي الجو

عقارب الليل تنتح

أنت همة راسمه النيل

نشاور نصيح

ها يازول

ها يا المبروك

يا خاطف دمعات العين

راسم ضحكات أولادنا

من زمن الجهل

تعال بحداي

النبي فيك

تعال بهناك

تعال ياعقاب اقيف بجاي

تفج وتسد يا مرق الحيل

لمحناك طول زايد العرض

حلفنا معاك القمر كان مكتمل

كلنا زي بعض

عينا فوق عيون بعض

عين ما شقت مرقك حي

وما طقطق وقت العصر بالحيل

لكن يا المفرهد

لكن يا ريحة طمي

عقارب البلد بغبن يزوزن بيك

اسمك

عمرك

من ياتو بلد يا المولود

لون خليتك

وعيونك من وين بشوف

خشيمك من وين جاب النضم

جلدك من ياتو بلد

ضحكت في سماءك العالي مبسوط

كل ما طال هبوب بليل

بكر شمساً تقيله بتعاود تشرق

وتَحَمدك أبواب الصبر

فزعت ما توقفت

مرقته لعند غادك

في كل الدروب موجود

أتغازلن عليك حلوات الحي

بخجلنا الفينا معهود

دنقرن فكن نظراتم

بين رمل الحي مشن يحينك وجن

زغردن زادن في الزغاريد غنى

بشرو أولاد الحي

كنا بنات وأولاد الحي

كلنا عيون الحي

أنت زي شجر النخيل الحي

ساتر واقف

كل البلد في صدرك مضمومة ضي

خلفك العقارب تنتح

سم بلغ حلقومن كايس يسرح

ما هماك ناديت كل الدروب جنك

ما توهمت ما أتوقفت

نادت معاك كل الدروب غنت

دوبيت وشاشاي بوشان ما خلن

عقارب المحن يهزن في ضنب الليل

أنت سارح في غناك

ما هماك وطائل سماءك

بين حيطان الحي

مرافعين الزمن كترت

ما هماك الدنيا عشمانه فرح

وكت لمست كبد السماء

بقت شمس طلت

أيادي كتيره اتمدت

تنطط فرحانا تلقفا

الأرض جمر برجُلنا داسين بنعشقا

ما همنا إلا غنانا بكره تخضر

يا بخور الصندل الدافق

يا عرق بالفيهو أتبعثر

يا طالب لسه شايل الدفتر

عمر الرصاص ما بتبسم

لكنو بطلع من ماسورة العسكر

من البوت بالإفك مربط

من زولاً كافي قلبه

بإسم الدين متفن و محكر

البائع ضميره يعرض ويتعنتر

سارق وكتين الشمس بتطلع

سارق وجاي من فرض اسع

بمال الشعب يتضرع ويتبسم

منو يا المخبول الفاتو فهمه الأول

العلم ما كراس

العلم شعب بمناه يتشكل

يا عطر الشارع

يا الصندل

دمك مضرج خشيمك تبسم

تحلف يمين الخضره بكره تلحقك

تشاور فوق هناك

ديك الشمس أول

وتنجدنا زي أول

تنظره فينا بنظره حلوه حنينه

تودع فينا وتمشي

يا عطر الشارع

يا صندل الشارع الفينا أدفق

حلفنا ما نرجع إلا نلقاك زي أول

يا غيم المنى القرب يطلع

شوف حبيبك مضرج

ناثر عطره يتفرج

يا بوت الدقن الكاذب

غيمنا ما سارقو سرابك الأول

كل النجوم في السماء

منتظره متين تطلع

شمس عشقنا الأول

كل البيوت بتفتح

تطلع ...

كان جرى الزمن أو توقف

حتطلع أكبر وأقوى

زي الجبل السع بشهد

الشعبِ معلم

أداني كراسه ودفتر

في صفوف الوطن دربني

بين زملائي لحقني

بكره من تأني

من زحمة الغياب يناديني

ويطلعني

بين ناسك

وسط حبايبك وأهلي

ضمير الشارع الصاحي

مابركع بين بنادق العسكر

تبقى أنت

كان في الأرض

أو بين ضلوعي قائم

وطن شامخ

شعب مابركع

05 فبراير 2013

الأحد، 3 نوفمبر 2013

حديقة الوردة الأخيرة

علي أبواب مدينتكِ
يرقص الورد ...
الفجر يمتطي صهوته
يلوح ثم يرحل
شاهراً ضياء الأفق
يفتح شرفات البحر
أوقات القهوة التي لم تعد
يا سيدتي ...
علي أبوابكِ تهطل الأسئلة
ينحني الورد بشجن
لغة تمزج في رحيق القرنفل
تتخذ من الزنبق مكان
لا يسرح إلا في جزئيات الخلاية
ثم وبعدها
تشيعُ ...
والأشياء تسافرُ
الطير والبحر
ثم تختفي تلك الفراغات
تتكور تصير فقاعات
ومضة هي الأشياء
تخطفها الألوان
البنفسج عبق المكان
يهطل من السماء
عشقاً ...
لا ترتوي يا سيدة الأشياء
متى ...
ألا ...
يمدد البحر ساعده
ثم ...
يرتشف قبلة الألحان
من مدينتنا عدنا يا سيدتي
كثيرُ من يسرق الكحل من الأجفان
يلوذ بالصمت
يقطف الريحان
السماء مدينة
يسورها الأقحوان
ساعداً باللوتس يجهر بياضاً
وجفناً يا شقائق النعمان
يوزع في سمائي صدح الشوق المعتقي
فيأتي الورد كما يشتهي
يصبغ احمراري الخجل عند محياك
تيجان ديزي تخجلُ لقاءكِ
وشفة كساها زنبق الايساتك
عصفت بالهوى حتى مال وانثنى
جمراً هنا ...
الاوركيد يشيع منك جمال
يفتك بالابصار
يا حديقة الورد التي لا تنام
أتتك العصافير تنشر توليب حباً
فينمو صدرك متألقاً كزهرة الفارسية
يا حديقة راحلة في المدى
دوماً باقي فيني الاشتهاء
عبير الورد وشقائق النعمان
يا زنبق الجلاديلياس يا قامة ومقام
بالله من الذي يوصفك
وكيف أتت بك الأرض مقام
وحبل بك المساء

الأحد 03 نوفمبر 2013