أنتي باقية

أ

أنتي باقية
...............

من وريد  الأماني 
ما حال الدنيا بنادي
بقعد فينا يعافر
كتير بزازي بينا ويلاوي
جيتي مارقه من كل المواجع
جيتي في الزمن المشاتر
تشيل خطواتك تمشي
في حالك شوية  تداقشي
أمكن في الريد تلاقي
تأني ما تلتفتي علينا 
الكل في رجاءك مَعَلقَ
في حروفكِ 
في ظروفكِ
في ضحكك الباقي لينا
في الخطاوي السائقه شوقكِ
لا يجي همي يصابح 
لا يراقب نفسنا يساوم 
لايسكن الحزن عيونا
تبقى الآمال دربنا 
نَفَتَح تلاقينا عيونكِ
ديمه مسكونه بالمحبه
لا يحتار قلبك في كل لحظة 
تجي  سحابه تسقي ربدكِ
تبتق فروع دروبكِ
نحنا ما ياهو نحن
ما جينا من حرقة الزمن العنيد
من بين لحظة الخوف المصير
مره فاتح فينا همه
مره بضحك علينا دربه
بلسانو يشاور علينا
ما أنتي برضو ياهك أنتي
في قلبي بتفجي دربه 
ماصلو البينا  فتحوا  شارع علينا
يوهج  همس الأغاني
الأشواق زغردن باسمه
الشمس  غازلت القمر بمحيو
كل الطائر رتبت بيك عشه
بالحن شال خت صبرك 
برضو  صَبَحَ الناس بغناهو 
وطلع في الجو يصفق
أتخته لعيون أطفال قضية
يا ستي مري عايني
مره مره أقيفي شوية
طلي شاوري بايديكِ
الدم فينا جاري 
الحب مستف في نبضه
رافع أسمك
خاتي صورتك
شاقي للنيل  دربه 
لكل الناس حقيقة
برضو أمشي
وتأني أمشي
أنتي فيني باقية
زي كل نهار بتغنى بصمته
راسم صورتك في بالي
زي شعاع الشمس بطلع
 في وشيش صباح بضحك 
زي نسمة لما تطلع من نيل تريان مستف
تكب في قفاي تناديني برضو
يا عيون الكحل مالي جفنك
تهتف كل البلد تقول أنتِ ستو 
الخطوة لدربك ماشه سعيده 
قادله بنفس عزيزه
كل خطاوي الدروب بتشهد
حافظ بين الناس صلاتك برضو رسمك
زي كل العصافير مسافرة 
في درب حافظة ربدكِ
بريدك وكلي ريده زي عيوني بشيلك
فارد حسنك وشاح
ملبسو الليل العنيد
طاقيهو  حتى الصباح
مولود في حجرك إنتظار
ملهوف أنا لسه شادي أوتار الصباح
مليان  مجرتق  إنتظار
أكبر من عين شمس كمان بكره يكبر
لسه بلمس الكون حنان
بسبح فوق نيلك كلام
في المنافي العشق بادي فرضه 
يا وردة النيل سلام
وكت بحتويني  بيك المكان
يا .. كل المكان كمال
لما طلعنا مره في الشارع بنهتف
كانت عيونك من عيوني طالعه في كل مكان
ترسم للناس تسن سونكي الهتاف
بضفيرتك عنيده رابطة الناس ثبات
أنتي يا وش الصباح
شيلي خطواتك أمشي
أنا حاري المكان
كل الدم البرشح من ريدي لوريدم
فيك أنتي حلال
رشحتك لغيم مسافة تعيد الوئام
انتظرتك غرقان كلام
غرقان في مكان  
ندهت كل المكان
لضوء الزمن اللجاي
لمهر الغيم مطر سلامه رذاذ
لزغردوة بنوتنا كمان
لما يدفق الريد يصل
رشحته عشقك عصب عصب
ما خفته مشانق الزمن
ولا عين الناس المحال
ناديتك من طمي النيل 
جأني نابع من حسك يا زمن
برضوه قابلني نداءك 
يا عيون النيل قمر
نبت الآمال زهر
رشحتكِ لضوء السحاب جناح
الحزن مسمار الخشب 
واجعِنا يا عيون الإنتظار

05/12/2013

في هواك انتظار

في هواك انتظار

ـــــــــــــــــــــ

كيفن بتمرِ علي من غير سلام ..

حتى لو غلطت في حقكِ واحتواني الملام ..

برضو أنتي في عروقي عايشه..

مدية صوتي الكلام  ..

قلبي  بطرح حولك سؤال ..

اصلو ما غبت عنك بإرادتي بس مرات الحظ بشاتر ..

كتير يملانا ببعاد ..

كل الزمن بسمع  وكت يضج شوقي

 وأنده عليك من حشائي ..

كتير  دمعي بسيل لما ما يسمع نداءك ..

يتردد الصدى يسكن بيوت الفراغ ..

بجيني الحزن  يشحتف روحتي يقرقر عنين سهر بكاي  ..

أقعد بين الخلق أزازي

زي درويش حائم شايلك ينادي  ..

بريدك يا عمري بدورك زي نفسي وكت يعاود يملا حنين جواي

طلعة من عيوني بتاوق فارشه الريد  وجودك ..

من غيرك أعيش سكوني  ..

بوحشة  الليل الطويل والهم يدفق من جفوني ..

ما تسألي في غيابي تقولي بتعزز علي

أموت في اللحظة  أخت بين  يدك دليلي ..

ما أنتي منى عمري رغبة حظي الجديد  ..

أعبدك وابقي للناس رسولك بريد أصبح دليلك ..

كيفن أتكبر  ومقامك فوق للنجوم يطوف ..

مهما طال عمري و أتجملت  فوق العمر سنين  ..

ما بعرف غيرك أكون احرسك وبورحي  حولك أطوف وأدور ..

أنا عمري ديمه في رجاءك كيفن أطاول وأطول ..

 مقامك يحلوه بشيلو   منه بنات الحور كمال وجمال رقة سكون  ..

 كل الناس قاصده في ريدك تكون ..

أنا قاصد جمال الروح والهمس الحنون ..                                    لما تحكي عيونكِ 

بريدك أسالي الريح البوشوش فوق خدك يمشي ولي يعود ..

أساليه مره مره  أسمعيه  لما الخلق تهجع تنوم ..

 اسألي ليلك لما أكون حفيان حولك أدور ماني مجنون ..

أسالي شُباكك لما الليل يضلم بنورك أصطفيك وأكون ..

أسالي ألقمره الحاسبة خطواتي لما أمش منك أعود..

اسألي دروب العودة ديك لما منكِ راجع ليك من جديد ..

 أساليها برجع صداه بقوليك ..

كتير يا بنية  حلوه ورزينة الخجل غازلك حقيقة ما صدفة طريق ..

كتير علي صوتك بنده ليك ألله بقربك يكون..

ما تصدقيها ما تعير انتباهك من جديد ..

اسألي الشجر مره بقول ليك في ورقه كتب كم من قصيد ..

أسالي رمل المسافة اللسع بينتنا يعاين ..                                    ديك شمس الله شاهدة كم كتبت جواها مزيد بحرف دمي السايل .. 

بشرح ريدي وكتين أهيم في انتظاركِ ..                             تحت نيران الشمس حايم .. 

كيفن ما أكون..

شوقي يحلفني  اصنع منك مزار أطلق من حولك بخور ..           تمثال للناس باين .. 

 احرس رضاك  صفاء روحك ومنك كيفن أفوت..

يا حلوه يا غالية المقام ..

يا نور بفتح مسارب الضئ ..

يا نبع وعيونكِ الحقيقة تجري بشوق رسول ..

نضمك صادق بطلع وهج ..

يا واقفة فوق عصبي الحي ..

ناقز نوركِ في الظلام ..

 يا فاتحة جواي اندهاش ..

ردي من عصب الحس البعاين ..

رابط جوانا المسافات البعاد  ..  القرب منك مكان .. 

أديه شويه نضم ..

أفتحي كل المداخل ..

أمنعي سرحت الهجير بتشابك فني وتقاوي   

ما تخافي عليه من المسافة

أو حاولي ردي من شوقي ألي ملازمكِ شويه ..

دفقيه في حجر الزمن البقاوي ..

ماني  بخاف علي  قلبي بين يدكِ يموت أو يتهمل شويه ..

ما بتذبل كل العصافير الجاية فوق طرقنا  ..

كل الشموع ترقص تضوي من بريقك ..

تنادينا من مسافتنا وتطل من عيونك كل  الحقيقة ..

حلوة رشيقة ..

لما تفتح مساماتنا حديقة ..

كل ورده تطل تملى منكِ أيدها ..  

تهديك نبع وريدي

عادل البراري 

30 نوفمبر 2013

إزاعة موقع الراكوبة

لقطات من فيلم عن اليهود السودانين ... Sudanese Jews

مرسال

مرسال

ــــــــــــــــــــــــــــــــــــ

ما ترسلي سلامكِ ..
همسة من الشوق وصالي..
شفنا كيف شقة البرق البزازي من خلف السحابة..
شفنا كيف لما النور بسطع يضوي ليالي التعابه ..
الشوق بردح في عروق المطر السابق لمس قلبك يا أرض ..
يا .. بنت معايا في شرياني حكاية
زي جية السحابة هي بت عنيدا من ضفائرها تبدأ الحكاية ..
أمل زولاً في سكه حاتل يصيح شوقاً ..
يطرح حنين قالت زي ماقالت مره قالت ..
أنا أصل ما أمل إلا لعيون الغلابة..
بسمة الطفل لقراية ..
لما افتش تزغرد عيونك معايا ..
إني بإيماني راسخ بمشي لنهاية الحكاية..
ده بنت عنيدا شاقه الليل ضفيرة فارضه في جونا الحقيقة ..
لو بقت في وريدك حرقت الزعل العنيد ..
نقلع عيونا نبقى نفتش لعيونكِ سلامه
رغم كل الحكاية الزمن ما بشرق بضحك معايا
أصلو قلبي في الريد عنيد زي ضحكة رنيم معايا
قومي رسلي  سلامك

خلي الغيم يتوانس معايا

كل ما النيل فرد جناحه

النخيل يتشايل سبيط

يطلع معاي رسول يكلم الناس هوايا
تبقي إنتي مداراتي عيوني

كل المسافات البعيده

تبقي طالعة معايا في زحمة أيامي وعيده

تناديني عيونك يشرق نجمك حكاية

ربي خلق من عيونك حكاية
تذهل المارة عيوني المعايا
ويا سلام لما يجيني سلامكِ
سلام .. تحتيه كلام

مستف زي النيل تمام

لا تمومة جرتق

لا نسمة شائلا نهار

بس مدفق مالي الحيشان سلام

قادر بي السواك حسن مقام

كل الناس تطوف رايده السؤال

عيونك يا السمحة قادره

مره مطر

مره دعش

مره في المرات برق يشق صدور الرجال

أنتي يا ست الحسان

مرات كايسك بين ودعه

مرات ضارب الرمل كمان

مرات بزازي بين خلائق ألله ... غبيان

يسقعوا فيني المطاليق المخازيق

الدنيا عين نهار

ما هماني

حالي حارسك حارين

النيل موصد سلام

26 نوفمبر 2013