دعاش موسم الطمي٪٪٪٪٪٪٪٪٪٪٪٪٪٪٪حبيبتي ...
سمره عيونا عسلية
خدره وبانا
لمساتا فراحيه
وشيشا زي القمره
بسمة خريفيه
نيل ومراكبيه
حبيبتي ...
جلسة شاي والدنيا صباحيه
زي النسيم وكت يجينا عصريه
وزي صوت النيل لما تضحك مغربيه
حبيبتي ...
فرح يقالدك حنيه
شوق تضمك وتبكي عليه
كلامه رزاز يهطل عليه
زي لوزات القطن تفتح نيه طيبه
فصول بحنينه ما منسيه
وكتين بلدنا امشيه
حبيبتي ...
وكت تبكي في زمنا
تقيف المسارح تفرش حزنه
تخرس الكهارب تمد غيمته
كل الناس تظهر لوعته
النيل دموع لا يمشي لا يفوت حسرته
حبيبتي ...
لما تضحك يبين نرجسا
تسطع نجومه
تحلو فصولا
يطل بريقا
كل الناس تريدا
يشهق قليبي بفرحته
ما اروعها
الخدره .. نورا
السمره .. القمحه لونا
حلاتا .. الضاحكه خدودا
زي الشمس دافقه نورا
زي القمر وكت نتذكر فصولا
ديك الفرحة ياها السمحه
جمال يزين روعة حضورها
نقدل نموت عشان نورا
عادل البراري
الرياض
21 فبراير ٢٠١٥
ليست هناك تعليقات:
إرسال تعليق
يا مراحب