موج المنى
..............
من نظرتك
لشارع البلاقي سكتك
أوصفي محاسنك
في خطاوي الريد نعود
تعود من تاني
تطابق فرحتكِ يا .. وهج
يافجر ضحك المعاني
كم وردة
طالت .. تربانه ندى
عشان تطول نظرتكِ
ترسم ملامحكِ
مراكب
نضم
ما غيبا السؤال
بين قيفكِ
وطلتكِ
كل اشكال ضفتكِ
الراسمك
ضئ السحاب رزاز .. دَخلتكِ ...
ياموهجه بنيران طلح ...
في شرياني دفقة طمى
طبول ونحاس
غزلتكِ في مناي حلم
يا .. رحيق جنة العصافير.. ورد
باقي العمر الماسك
فينا ...
اتوسدتك
اتوسلتكِ
تبقي النار البتطلع
مسالك عمر
يا ندى رحيق المنى
ضئ مشارق روح
يا ... منسوجه
من غزل حلم اطفالنا
وكت يفترشوا
ضليل الهجير غنى
حلم يكبر كبير وفسيح
كل العيون تهافت ليهو
تركع لطلتكِ
غنينا .. يا موج المنى
غناوي الوجعة
وكتين قبلت وشيشا
من عينينا
نقط سماءك فرح
بعثرِ ريح السفر
فَتَح ضفيرة في نفس حضن
وكم غنينا
رسمنا ملامح البعاد
ضفاف عشقكِ الضامينا
عاشقبن حنين ذاتكِ
وروعتكِ
النيلُ ارشف قبلتهُ
نادى الفجر أمَهَ صلاتكِ
يا معشوقه
زي درب النجم وكت ياخد
ضوء القمرة ويسرح فبنا
يا .. موصولة بطعم
الفقره العشقُ صلاتكِ
لاقت كلماتكِ هجع فراحهم
يا .. مجدولة بريحة طمي
ساقي وجد الحلة
فاتح شباك نضم حاتل
فرحة جوه عيونا
اتفاخرنا عشقنا صلانكِ
اتبخترنا بعشق ذاتكِ
ياهك النيل السارح فينا
ورعة وخضره جمال تاني
إتقاسمنا فرحة دار
ضحكت عيونكِ
المطره تنادي علينا
دخرناك دار لباقينا
رمز الساقية الدافق فينا
سنبلة نيل للأيام
2 أغسطس 2015
ليست هناك تعليقات:
إرسال تعليق
يا مراحب