توقع
ـــــــــــــــــ
أتوقعته وأنفتح فني كلام
أدفقت عيوني بدهشة
يا عيوني مافي إلا انا وعيونا
لسع أنا لامس شوفتا وسكونا
وقلبي لسع ساكي سكتا واكوس
في فنونا
انا الساكن حداك
وبيناتنا بعاد
بسرعة الملقوف خلصت فرضي
جيت مباري قربك أشواق
طلعت من حنين ذاتي
ختيت عيونك سؤال
جريت سكيت منك جواب
طلع ضوء من عيونك
ببسمة وغمزه مده لي كفني
الساعة ديك
اتلهلب في أحشائي
جمر البعاد وهواء وصلكِ يهب
أيامك نفخنو زادنو اشتعال
في لحظة
قالت لي شمس طالعه من بدنك
بالحب بشوي بكوي بدنك
شن بتقول لريح الحب وكفنك
نطه قلبي
وقال
قسماً
بالذي لا يقسم بسواه
بالحب الذي رطن
بالحب الذي رطن
تمحور
بالاشياء
وليس
سواه
عشناها ورعيناها نبتاً
عشناها ورعيناها نبتاً
مددناه
دفء من نخيل حلفا
حتى
ماء النيل بنمولي
سقيناك
وصلاً شوقاً بهتف
و شرياني يضج وجده نبض
و شرياني يضج وجده نبض
مازال يا أنتِ يبكي
أتلفتي
علي
بسمتك
ضوت قلبي
بفرح
بنيت حطه
طوبه طوبه مونه حاره
عراميس اللغه ما فاضية
قدح فوق قدح صافيه
متروسه تب
عراميس اللغه ما فاضية
قدح فوق قدح صافيه
متروسه تب
ولف وحنان
عيونك الضاحكة
تقول شاشاي
الناس ألمت معاي
يا ظبية الوادي
من كل فريق بغادي
من كل حته فينا
بتنادي عرب ونوبه
شاتلين
الفرح جاين في إنتظارك
انا الزارع ورد اعتذاري
برضي في انتظرناك
برضي في انتظرناك
06 نوفمبر 2013
ليست هناك تعليقات:
إرسال تعليق
يا مراحب