شرود
..........
وكت أهيم خاطري
بشرد ليك حفيان
فوق العتمه
تحت ضليل المطرة
ازازي عند متاريس الليل
بين خطاوي النيل
وضجيج العتمة
كاتم في جوفي خطاوي الريد
مداخل الشوق شعاع بقه
نوركِ ضجه
مرق عِز زمناً مقسوم انصاص ليل
سربته من عمركِ ودرته
عيونكِ مسارب ضئ جمعت خطاي
يا الواقفه عند مداخل زمني
مصحياني دافقه في شرياني وجد
وصلتكِ مخنوق سؤال
يا.. نور المكان
اتفقدتكِ حته حته
شجره .. شجره
طريق و منفى
حتى النيل
وضراعه المشرع
في وجع الطمي بحته
فجيت مسامات المطر
شوق المطر ألمدفون سحاب
في جوف الأرض العطشه
لمستك
افقدتكِ ..
زي وكت فارقتكِ
الدنيا وجعه
وعيونكِ لي
يا مطارات الزبف وجعه
زنازبن
خطاوي مفروشه سراب لي هسعِ
شوقي لعيونكِ
وكت تنضم يبين جسمي بالرجفه
تغزلي قليبي حرير
انتِ غرقانه ببسمه
تبرديني بالدهشه
زي فراش وكت أرتشف قبلكِ حيه
يا.. وجع السنين الهسعَ
فجي دربكِ يا سحابه
تريانه ضئ
لفح زغرودة
خيات المطر
صدح صوتهن
نوراً شلخ صدر العتمه
حلب برقه
في وادي الليل
زغردن خياتكِ البعاد
جابن بطاقات الوعد
طالع في مدأك
النيل إنتطار
رأجيك يا.. خطاوي ريد
راسم في سماءك
مُشَرع
شمس مداخل فرحه
مرآسئ واسعه بالخطوة
قدلت سحاب الشوق
اقابلكِ يا أنتي حقيقي حنين
كأني طلعت دخلت عيونكِ دهشه
تعلو حضوركِ الهمسه
تزيني سماء الفرحه
يا الغبتي بنتي في حروف وجعه
وطلت وردة
شوق بنية لوليدات من ريحة طمي
تغني لوشيش الزمن الجاي
تفتح بإيدبها
مداخل شعاع الضئ
الريد فاتح شبابيك الإنتظار
من عمر الزمن القبيل لي هسع
طليتي
عذبني انتظاركِ سنين
يا شمس مكحلة بالعودة
عيون ضحكة الدهشة
ريد مسافر في مسامات روحي
يا رتاين الشوق ضوت
يا نسائم فريق فاحت
اتوسدت عمر الفرحة
دخلتك زي أول
اتوكلتا عليكِ أول
على ...
المطر النادى مساربك ضئ
فجة عروقي
بنوركِ
وكت تزغرد شفايفك
هلة بسمه
تنداح بين منأخات الفرح هسع
جريت وراك عطشان
لا حروفي شاخت
لا نضب نداءك جواي
نداك ما فارق درب
ريحتك دعاش
بخور مسك
شابك في ضراع الجريد
مقبل شايل دعوات طمي
24 يونيو 2015
..........
وكت أهيم خاطري
بشرد ليك حفيان
فوق العتمه
تحت ضليل المطرة
ازازي عند متاريس الليل
بين خطاوي النيل
وضجيج العتمة
كاتم في جوفي خطاوي الريد
مداخل الشوق شعاع بقه
نوركِ ضجه
مرق عِز زمناً مقسوم انصاص ليل
سربته من عمركِ ودرته
عيونكِ مسارب ضئ جمعت خطاي
يا الواقفه عند مداخل زمني
مصحياني دافقه في شرياني وجد
وصلتكِ مخنوق سؤال
يا.. نور المكان
اتفقدتكِ حته حته
شجره .. شجره
طريق و منفى
حتى النيل
وضراعه المشرع
في وجع الطمي بحته
فجيت مسامات المطر
شوق المطر ألمدفون سحاب
في جوف الأرض العطشه
لمستك
افقدتكِ ..
زي وكت فارقتكِ
الدنيا وجعه
وعيونكِ لي
يا مطارات الزبف وجعه
زنازبن
خطاوي مفروشه سراب لي هسعِ
شوقي لعيونكِ
وكت تنضم يبين جسمي بالرجفه
تغزلي قليبي حرير
انتِ غرقانه ببسمه
تبرديني بالدهشه
زي فراش وكت أرتشف قبلكِ حيه
يا.. وجع السنين الهسعَ
فجي دربكِ يا سحابه
تريانه ضئ
لفح زغرودة
خيات المطر
صدح صوتهن
نوراً شلخ صدر العتمه
حلب برقه
في وادي الليل
زغردن خياتكِ البعاد
جابن بطاقات الوعد
طالع في مدأك
النيل إنتطار
رأجيك يا.. خطاوي ريد
راسم في سماءك
مُشَرع
شمس مداخل فرحه
مرآسئ واسعه بالخطوة
قدلت سحاب الشوق
اقابلكِ يا أنتي حقيقي حنين
كأني طلعت دخلت عيونكِ دهشه
تعلو حضوركِ الهمسه
تزيني سماء الفرحه
يا الغبتي بنتي في حروف وجعه
وطلت وردة
شوق بنية لوليدات من ريحة طمي
تغني لوشيش الزمن الجاي
تفتح بإيدبها
مداخل شعاع الضئ
الريد فاتح شبابيك الإنتظار
من عمر الزمن القبيل لي هسع
طليتي
عذبني انتظاركِ سنين
يا شمس مكحلة بالعودة
عيون ضحكة الدهشة
ريد مسافر في مسامات روحي
يا رتاين الشوق ضوت
يا نسائم فريق فاحت
اتوسدت عمر الفرحة
دخلتك زي أول
اتوكلتا عليكِ أول
على ...
المطر النادى مساربك ضئ
فجة عروقي
بنوركِ
وكت تزغرد شفايفك
هلة بسمه
تنداح بين منأخات الفرح هسع
جريت وراك عطشان
لا حروفي شاخت
لا نضب نداءك جواي
نداك ما فارق درب
ريحتك دعاش
بخور مسك
شابك في ضراع الجريد
مقبل شايل دعوات طمي
24 يونيو 2015
ليست هناك تعليقات:
إرسال تعليق
يا مراحب