براك عارف
.............
براك عارف
ريدي ليك باين
من كلامي
لحظة سلامي
وكت ألفحكِ بعيني أعاين
تلاقي عيوني عيونكِ
أطلع شارع أنزل شارع
أطالع شعاع جمالك
السلام مفروش مداخل
الريد كل المحنه
تحلق بي شجوني
أبقى فيها واقف مشدوه أعاين
لما أضحك عز كلامك
نبضي من جوه يعاين
يعزف حروفكِ خماسي
صول وايقاع كردفاني
أنت عارف
ماتصور إني نسيتك
من هويتك ما سليتك
في عمري ديمه ريدك
زي خميله وكت تغني سحابه
وتضوي القمره ليلنا
زغرودة في السماء نجمه
أبقى عارف
أنت في دمي جاري
لسه بتفتح زهورك
ندأك جواي فايح
لسه حاميني ريدك
أو زعلان في مدأك
ظاني في هوى سليتك
يا النيل الساقي وريدي
مهما خيالك طاف وعدى
برضو جواي مكانك
بفرح شاتلو محنه
بحروفي بشيلو وصف
يبقى عند الناس نضم
يضو بيك الغمامه
فرحة الناس الأهل
12 يوليو 2015
.............
براك عارف
ريدي ليك باين
من كلامي
لحظة سلامي
وكت ألفحكِ بعيني أعاين
تلاقي عيوني عيونكِ
أطلع شارع أنزل شارع
أطالع شعاع جمالك
السلام مفروش مداخل
الريد كل المحنه
تحلق بي شجوني
أبقى فيها واقف مشدوه أعاين
لما أضحك عز كلامك
نبضي من جوه يعاين
يعزف حروفكِ خماسي
صول وايقاع كردفاني
أنت عارف
ماتصور إني نسيتك
من هويتك ما سليتك
في عمري ديمه ريدك
زي خميله وكت تغني سحابه
وتضوي القمره ليلنا
زغرودة في السماء نجمه
أبقى عارف
أنت في دمي جاري
لسه بتفتح زهورك
ندأك جواي فايح
لسه حاميني ريدك
أو زعلان في مدأك
ظاني في هوى سليتك
يا النيل الساقي وريدي
مهما خيالك طاف وعدى
برضو جواي مكانك
بفرح شاتلو محنه
بحروفي بشيلو وصف
يبقى عند الناس نضم
يضو بيك الغمامه
فرحة الناس الأهل
12 يوليو 2015
ليست هناك تعليقات:
إرسال تعليق
يا مراحب